Spotify in local music a support tawh dawn e


A tawp a copyright chungchang khu ngaihtuah zui u la...

Spotify hi a țha ve riau a tamtak chuan in hmang anga, tun lai hian features hrang hrang an test țhin a nakin lawk ah an la rawn release anga lo hriat ve mai mai a țha e.

User group țhenkhat ah an test phawt țhina an release tak tak hma hian. Tun thla thum/li vel kal ta ațang pawh khan heng features, local group session te, playlist auto-refresh-na te podcast episode save-na te etc. an lo test tawh a. Thla hmasa lawk ațang pawh khan podcast subscription leh new artist-created stories features tepawh an tih thar kha. Tunah hian local music playlist support features siam belh leh an tum mek a ni.

Tunah hian he feature thar tur hi a free dawn nge pawisa chawi ngai tur chi hriat a la ni chiahloh na in YouTube hlawhtlinna te ngaihtuahin an compete dawn chuan YouTube free features ang, local file ami leh uploaded file play te, playlist download theih te anga free a an tih ve a rinawm viau a ni.

He feature hi an release hun ah chuan Spotify app hian phone/device memory a audio file a scan anga chu chu playlist ah a dah thei dawn a ni. Internet data hmang lova play theih tur lai hi keini net pack limit deuh hmang țhin tan chuan a țhatna lai tur ber a ni ang.

Copyright chungchang

News ni pah fawma han sawi atana pawimawh ka tih nachhan chu copyright lam hi a ni. Tuna an feature thar tur ah hian playlist upload hi a la tello maithei a, mahse YouTube features te ngaihtuah in nakin lawk ah chuan hetiang hi a la rawn tel ngei dawn tih a rin lawk theih a.

YouTube te hi chu video an nia sap ho video lamah Google hi an fimkhur bawka helai ah local video upload tur mahni siam chawp loh chu kan nei vak vak lemlo bawknen buaina kan nei vak lo a.

Music anih erawh chuan mizo zai duh duh a upload chungchang ah buai ve theih deuh a ni chho thei dawn ani copyright chungchang ah hian. Advertisement hmanga monetize theih te an la tih chhoh ve pheichuan. Spotify chauh pawh nilo podcasts ho hrim hrim ah hian mi hla playlist siama lo upload bakah lo monetize ve ringawt lam hi, upload a playlist/channel te siama monetize duh chuan a hla copyright neitute hnen ațanga lei thlap tepawh a la țha maithei kan zaithiam ten an hla an hralh theihna market atan tepawh a țha anga…

Helai tak hi nakina trend awm chhoh dan a zirin kan kal dan a danglam chho thei viau chuan a rinawm a, he tia lo hriat ve mai mai bak chu sawi vak theih pheichu ani rih chuanglo a.

Tips

Podcast vela thiltih paha music ngaihthlak hi data kal reng nana na chu net speed a chak pheichuan kan ngaihthlak baka tam daih hi data alo kal duai duh khawpa. Chutianga data hman bak waste țeuh loh nan chuan data transfer speed limit hi set a țha ve mai mai a. Chutiang a tan chuan kan network settings ah hian 4G (Mizorama kan 4G tih hi 3G Long Term Evolution (LTE) anni ber zawk a) a set lova 3G emaw 2G emaw a tih hniam mai tur a ni. Hla in play theihna tawk vela chak kha a tawk chiah a, LTE a set chuan data a in load chak lutuka kan ngaihthlak bak data alo kal duai a kan waste țeuh ta țhin a ni.

Music atan nilo video ah pawh data chak leh lutuk en bak baka in load țeuh kan set duh chuan duhdan tawka data speed set na a awm leh a 2G/3G a settings thlak kher ngailovin. Playstore ah Datamore App tehi hman mai tur a awm bawk e.

PS: Datamore hi a code ziak tupa in a rawn sawia ka install chhin bak chu ka hmang zui lem chuanglova keini helai data muang sa ah chuan hman hran ngailovin a tih chakna kan mamawh zawk ani kan ram riang te India ah hi chuan. Lol

PPS: Spotify chungchang khi nimin lama reverse engineer ManChun Wong rawn tweet ania mizo țawngin ka ziak bawksia mention lo mai ang heta a hming ka ziah hi credit a ni tho e.

Post a Comment

0 Comments