New Land Use Policy


Tun kan sawrkar thar chuan hman atanga an policy chhuanvawr NLUP hmanga retheite chawikan an tum tak tak ni in a lang ta. Hetianga kan ai awha kan thlan tlin ten thahnemngai taka ram tih hmasawn an tum thu an han sawi hi chuan ngaihtlak pawh a nuam thin. Tin, anlo hlawhtling talo anih pawhin mipui ten kan pawng dem ngawt tur anilova, an thahnamngaihna tak kha kan zah thiam tur ani. A engamah hma a lo sawisel rikngawt te, an hun kal tawh avanga lo hnualsuat ringawt te hi a dik ber lemlo. Thlan tlin tlak ber ni a kan ngaih leh beiseiawm ber ni a kan hriat kan thlan te anni tih hi theihnghilh lo ila.

Amaherawhchu thahnhemngaih ah ngaih luat a awmlove, ram hruaitu atana kan thlan mi ngaihsanawm tak tak tehian kan buaipui hi

ho tih nalai riau ka nei tlat thin. Kan sawrkar policy chhuanvawr ah te hian Mizoram hmasawnna ruhrel tur hi a tello tlat zel hianrilru a ti na in thahnemngaih ati zual thin ani.

NLUP hi a tha e, ka sawisel lo, mahse hemi chauh hi ami kan sawrkar hian a buaipui dawn? State pawnlam atanga sum hailuh theihna lam kan thlahthlam anih ngat chuan NLUP pawh hi lo hlawhtling viau pawh nise hlawhtlinna zikbul mai mai tur ani tih kan hrethiam theuh awm e. Khawi atangin nge Mizoram hian kan leiba zozai tehi kan rulh ang? a thlawna pawisa hmuhna lam ringawt hmanga kan politician ten mipui min thlem thin hi chu rilru a na duh ngei, a thlawn anga kan ngaih te hi a thlawn anni tak tak lo lehnghal, leiba ti tipung tu mai annih hi. Mizoram lei bat a tam tual tual a, kan politician te leh an vua leh vang an hausa tulh tulh bawka, Mipuite pawisa bat hian an in chhek arbawm nimai in a lang.

NLUP tihvel STADIUM tihvela kan thlan tlin mi chhuanawm tak tak ten an hun leh an ngaihtuahna tamtak an han seng ral a tifuh anla inti em em zui hi chu, thahnemngaih ala na duh ngei mai. heng thil te hi chu a titu tura ruat te kut ah hlan ta mai se anni hi chu hmasawnna ruhrel(economic infrastructure) lam hian an rilru kap ta zawk se ti in duhthu ka sam ani.

Post a Comment

9 Comments

  1. "Mizoram hmasawnna ruhrel tur hi a tello tlat zel hian rilru a ti na in thahnemngaih ati zual thin ani." i tih hi ka thlop top che! Sorkar laipui pakhat annih ve na ah hmasawnna tur ruhrel hi chu an ngaih poimoh ngei chu a ngai ani.

    Oo.. btw, good job!! Keep it up.. n' God Bless!!

    ReplyDelete
  2. Mizoram hi ram zimte mipui pawh less than one million kan ni.NLUP hian VOLUME ngaihtuah lova duh duh kan ching anih chuan kan tisual ang tih a hlauhawm. NLUP hlawhtlin nana kan mamawh tur ka mithla te:
    1)License seed supplier Bank Guarantee nen thlapa supply tur.
    2)R&D Scientist rual enkawl - rintlak hmantlak chhawrtlak din
    3)Tissue Culture Biotechnology centre kan rama din duh te promote. Sawrkar hi puitu nise titu ah trang lovin
    4)Crop insurance a farmer te puih
    5)Farming tool man tlawm zawka farmer te'n an lei theih nan tranpui. Quality product ngei pek
    6)Bike, Jeep, 407 feh kawng sial sak.

    ReplyDelete
  3. funny i ti dik e, kan ram hian hmangaihtu tak2 a mamawh a ni

    ReplyDelete
  4. Mizoram hi kan economic ah kan sawngnawi hle tak mai. Mipuite kan beiseina lah hi a sang theiang ber (fantasy lutuk) in politician mitdel ho in min hruai bo bawk nen huuiiihaaaaa funny trang fan fan....

    Mahni ke a din tum chu sawi loh "Mizoram lei bat a tam tual2...hlemhlet depde ho vua leh vang an hausa tulh2" tih ringawt pawh hian ngaihtuahna (approach) thar a min hlangkai tur hi kan nia. Chu a hnek in a siamthrat lam ai in Mi suaksualte tih dan va zawm duh zel kan tam zawkna te hi a ngaihsan awm lo hle. Kristian in ti ve si a siamthrat lam tum lova a chhelam bawh huam2 ngamna kristian nun hi a va han mak ngai em!!!
    Pachang tak in kan sorkar thar te pawh hi thlawp thiam ila. Mi thiamloh leh mi dikloh na ah in tap ding reng lovin, Engtin nge ka siam thrat zawk ang tih rilru pu USA mi te ang khu i en tawn ang u khai

    Pu Duhsak - i logical hle mai. US Fox News a Brian & The Judge min ti hre chhuak ee. Nangni ang ngaihtuahna hi a lawm ram tuihal in thaw huam2 ma a thlir reng. Details deuhin han theh darh chuaih2 teh khai. Min thlamuan riau ania!

    ReplyDelete
  5. NLUP hi chu scheme tha tak niin ka hria.. mahse kan implement dan hi a fel hlel deuh mai pawh ani. dik taka kalpui ni se hei bak bak a rethei te thlkang phak sawrkar rawngbawlna a awm cvhuang lovang..mahse hausa te in hai vur belh chhahna mai2 kan chan tir hi chu EIRUKNA dik tak ani. politician chhungkua an THAU tual2 a, keini mirethei kan cher tual2 ang tih hi a hlauhawm ani

    ReplyDelete
  6. Thlan fuh ngai te:
    1) Thlai chin kan lungrual tlan tur
    2) Chu thlai value addition industry din tur
    3) Marketing - direct / 3rd party / dalal
    4) Farmer te mamawhna lai taka sawrkar inrawlh
    5) Yield tihpun zel dan leh R&D

    ReplyDelete